Luisa Lalín empeza forte no Corre con Nós 2008-2009

O pasado domingo día 23 de novembro se disputou na cidade de Lugo a primeira xornada do circuito de atletismo Corre con Nós, nesta primeira proba con saída nas pistas de atletismo do Gregorio Pérez Rivera e sobre a distancia de 5.000 metros chegaron a meta uns 769 deportistas de toda Galicia. Por parte da Escola de Atletismo Deza se desplazaron un total de nove atletas, sendo os postos mais destacados o de Luisa Lalín 1ª , Verónica Mon 4ª, Antonio Riera 4º, Teresa Seoane 6ª e Manuel Cavanillas 10º todos eles nas súas respectivas categorías.

Carlos Peña del Río finalizou segundo na Carreira de Santiago

A Escola de Atletismo Deza participou o día 15 de novembro na primeira edición do trofeo de campo a través Concello de Santiago e obtuvo bos resultados. Carlos Peña del Río finalizou segundo na categoría de alevín masculino, tras percorrer 1,9 km. Daniel Iglesias acadou o terceiro podio en infantil masculino, sobre 2,9 km. O equipo alevín feminino finalizou segundo na modalidade de equipos con Noemí Jácome (cuarta na clasificación xeral); Tamara Pazos, sétima; Tamara Seijas, oitava e Mónica Penas, undécima. Na categoría de cadetes, Alba Viana chegou quinta e Javier García oitavo.

Outra das actuacións destacadas nesta carreira foi a do alevín Lucas Enríquez que acadou o quinto posto na súa proba.

Luisa Lalín, 6ª na San Martiño de Ourense

O pasado domingo día 16 disputouse en Ourense a Carreira Popular do San Martiño sobre la distancia homologada de 10.000 metros e que conseguiron rematar un total de 2.940 corredores. Por parte da Escola de Atletismo Deza e como resultado mais destacado cabe reseñar o 6 posto na súa categoría de Luisa Lalín. Tamén participaron na cita ourensá Antonio Costa, Manuel Cavanillas, Alfonso Rubial, Verónica Mon, Teresa Seoane e Fernando Rodríguez.

Félix se fue a correr el Maratón de Atenas

El atleta dezano Félix de Castro consiguió finalizar el maratón de Atenas en su primera participación

El atleta de la Escola de Atletismo Deza Félix de Castro consiguió finalizar con éxito su primera participación en el maratón de Atenas. La clásica competición griega, con 42.195 metros de distancia entre las ciudades de Maratón y Atenas, resulta muy exigente para los participantes, puesto que además de la larga distancia a recorrer, cuenta con un trazado marcado por el desnivel. El corredor dezano empleó 4 horas y 16 minutos en finalizar la prueba, ganada por el atleta keniano Nicholas Paul Lekuraa.

Galería de Fotos - Bertamiráns 2008

Aquí vemos en pleno esforzo a algúns dos nosos campeóns.


Outros non saíron porque iban tan rápido que a cámara non foi quen de sacalos.

Gran participación do Club-Escola de Atletismo Deza na Carreira poppular de Bertamiráns

O pasado domingo día 19 celebrouse a Carreira popular de Ames, á que acudiron a maioría dos integrantes da Escola de Atletismo Deza, desprazáronse ata Bertamiráns 30 alumnos das distintas categorías. Nesta maratón popular participaron atletas de toda Galicia. As distancias a percorrer ían desde os 200 m ata os 7.500 m.

A EAD obtuvo moi bos resultados:

Mario Vilar acadou o primeiro posto sobre a distancia de 200 m en Prebenxamín, Daniel Iglesias segundo sobre 2.500 m en Infantil, Alba Viana terceira sobre 2.500 m como Cadete. Destacando, asimesmo, as posicións de Pedro Toimil en quinto lugar sobre 500 m como Benxamín, Lucía Castro sétima e Marta Gil oitava sobre 2.500 como Cadetes.

A EAD comeza así esta nova tempada con máis alumnos inscritos e con moito entusiasmo.

Resultados Categorías Inferiores VIII Carreira Popular de Lalín

Resultados Adultos VIII Carreira Popular Virxe das Dores - Lalín

VIII Carreira Popular Virxe das Dores

Memorial Vicente Agulló.

Sábado, 27 de setembro de 2008

Horarios: 17:00 de 2 a 15 anos.
18:30 resto de categorías.

21 Categorías. Dende 2 anos en adiante. Categoría de Canicross

Percorridos. 100 m., 350 m., 700 m., 1 Km., 2 Km., e 7,5 Km. –
Canicross 4 Km.

Trofeos. Trofeos os 3 primeiros de cada categoría.
Trofeo os mellores atletas locais.
Trofeo o atleta de mais idade tanto masculino coma femenino.
Trofeos e saco de pienso os tres primeiros na categoría de Canicrooss.


Obsequios. Camisetas para os primeiros 400 participantes que rematen a
proba.
Ata 13 anos medallas para todos.


Inscricións: No Pavillón Municipal dos Deportes de Lalín, no Teléfono 986.78.34.26, ou en http://www.cronotec.es/.

Datos para a inscrición: Nome e apelidos, sexo, data nacemento, clube (se o ten) e localidade

Data de inscripción: Dende o día 8 o 25 de setembro as 20:00 horas.

REGULAMENTO XERAL

1º A tódolos participantes facilitaráselle dorsal correspondente a súa categoría, debendo colocalo no seu peito para a súa identificación durante a proba e na chegada a línea de meta.

2º O dorsal recollerase o día da carreira popular na zona de saída ata 1 hora antes da saída de cada proba.

3º A carreira para as cateorías dende 2 a 15 anos comenzará as 17:00 Horas. Para as restantes categorías comenzará as 18:30 Horas.

4º O longo do percorrido a organización poderá establecer os controis que estime oportunos, os cales poden descalificar os participantes que cometan algunha irregularidade.

5º Será motivo de descalificación calqueira infracción grave estimada pola organización da proba, sendo a decisión inapelable dado o carácter deportivo da proba.

6º A organización non se fai responsable dos danos físicos ou morais que poidan sufrir os participantes destas carreiras, antes, durante e despois da proba, se ben en todo momento estará disposto un equipo de primeiros auxilios.

7º Dado o carácter eminentemente popular, festivo e deportivo desta proba, a Organización agarda de tódolos participantes o mellor espíritu deportivo.

8º O descoñecemento deste regulamento non exime do seu cumprimento.


CATEGORÍAS, DISTANCIAS E HORA DE SAÍDA:

CATEGORÍA, ANO NACEMENTO,DISTANCIA,HORA SAÍDA
Pitufos, 05-06 100 M. 17:00
Prebenxamíns 02-03-04 350 M. 17:00
Benxamíns 99-00-01 700 M. 17:00
Alevín 97-98 1000 M. 17:00
Infantil 95-96 2000 M. 17:00
Cadete 93-94 2000 M. 17:00
Xuvenil 91-92 7500 M. 18:30
Senior A 79-90 7500 M. 18:30
Senior B 68-78 7500 M. 18:30
Veterano A Mas57-67 7500 M 18:30
Veterano B Mas56 e antes 7500 M. 18:30
Veterana Feme 67 e antes 7500 M. 18:30
Canicross 4000 M. 18:33

Comezo de tempada

Este venres comeza a tempada o Club-Escola de Atletismo Deza. Para iso desprazarase á localidade de Muíños na Serra do Xurés, co fin de realizar unha mini-concentración que serve para fomentar aínda máis, se cabe, os lazos de compañeirismo e amizade xa existentes entre todos os membros do equipo. Nestas xornadas vanse realizar distintas rutas de sendeirismo polo Parque Natural da Baixa Limia. A excursión durará tres días: venres pola tarde, sábado e domingo.

Máis información:

Senderismo en Ourense

Vive ao Natural!

Consellería de Medio Ambiente

Parque Natural Baixa Limia-Serra do Xurés

Por outra parte, o luns día 8, iniciaremos os adestramentos ás 17h 30´, no Regueiriño.

Carreiras do mes de agosto

A actividade dos atletas da Escola de Atletismo Deza neste verán non decae, o pasado día 9 en Os Vilares-Guitiriz, disputouse unha nova edición da súa tradicional Carreira Popular. Cinco atletas se desplazaron ata a localidade lucense e como resultados máis destacados cabe reseñar o 3º posto de Luisa Lalín e o 4º de Teresa Seoane nas súas respectivas categorías o que lles valeu para conseguir acceder os premios en metálico.

Tamén o pasado sábado día 16 en Lira-Carnota se disputou a 17ª edición do seu cross pola praia da localidade coruñesa. A distancia foi de 7.500 metros e sobre un trazado de continuos sube-baixa a atleta local Teresa Seoane consegiu chegar de 3ª en senior femenina.

Este domingo día 24 de agosto nova cita na localidade de Baiona e sobre a distancia de 10 kilómetros na que se presume unha gran participación de atletas de toda Galicia.

Carreira Solidaria de A Toxa

Luisa Lalín recibindo o trofeo das mans do ex-olímpico Alejandro Gómez

Luisa Lalín vence en A Toxa e Riera queda 3º en Pontevedra.

Este longo fin de semana do Santiago Apóstol houbo varias competicións atléticas que non foron desaproveitadas polos atletas da Escola de Atletismo Deza.

En concreto o domingo 27 e na Illa de A Toxa disputouse a Carreira Popular Illa de A Toxa, que consistiu en dar dúas voltas a illa, en total 5.200 metros, a Carreira foi organizada polo Hotel Hesperia e o Casino de A Toxa.

A atleta local Luisa Lalín acadou o 1º posto na súa categoría e como premio trofeo e unha estancia dunha fin de semana para dúas persoas no Hotel e Casino de A Toxa.

Acudiron atletas de toda Galicia e os vencedores absolutos foron Iván Docampo e Chus Valiño, o resto dos atletas do clube foron Alba Rubial 5ª, Teresa Seoane 6ª, Fernando Rodríguez 21º e Alfonso Rubial 51º nas súas respectivas categorías.

Tamén o festivo día 25, en Pontevedra disputouse a Carreira Popular Santiago Peregrino sobre a distancia de 4 kilómetros, e na que o atleta local Antonio Riera acadou o 3º posto da súa categoría.

Cea fin de tempada

A finais de xuño, o Club-Escola Atletismo Deza, celebrou a súa cea de fin de tempada. Reuníronse os atletas, as súas familias e a adestradora. Foi unha xornada de convivencia onde todos o pasaron moi ben. Xa hai sete anos que se formou a nosa Escola. Neste tempo, pouco a pouco, fóronse tecendo lazos de amizade entre os membros do grupo. É admirable ver como desfrutan xuntos rapaces e rapazas de idades tan distintas: o máis xoven (Mario, o da primeira foto) ten seis anos e os maiores teñen catorce. Como di sempre David:"dá gusto ver o ben que se levan todos..."
Ao remate da cea, o presidente David Gracía e a adestradora Irene Gesto, entregaron os xa habituais premios simbólicos: Mellor atleta: Marta Gil Figueiras primeira e Ángela Vilar González segunda. Mellor compañeiro: Diego Viana Soto primeiro e Brais Soto Telmo segundo. Mellor comportamento: Mario Vilar González primeiro e Mónica Pérez Barros segunda.
Noraboa a todos!!!
Boas vacacións!!!

Paseo de Javier Gómez Noya en Leiro.

O actual campeón da Copa do Mundo de Triatlón e aspirante a medalla nos xogos Olímpicos de Pekín 2008 fixo un entrenamiento o pasado domingo na 25 edición da Carreira Popular de Leiro (Ourense). Así se pode calificar a súa victoria nesta popular, nin Gustavo Platas 2º, nin Elías Domínguez 3º, nin o ex-olímpico Carlos Adán 5º, foron capaces de facerlle sombra a este triatleta que semellaba eso, correr por tres.

Varios atletas da Escola de Atletismo Deza tomaron parte nesta carreira, Antonio Riera rematou 5º, Teresa Seoane 12ª e Manuel Rodríguez "Cavanillas" 22º, nas súas respectivas categorías e sobre a distancia de 9.720 metros.

Carreira Nocturna de Celanova

Teresa Seoane 3ª en Celanova.

O pasado sábado 28 de xuño as 22:30 da noite disputouse no entorno do Mosteiro de Celanova unha nova edición da Nocturna de Celanova que supuso un novo récord de participantes, 300 entre rapaces e maiores.

A distancia a percorrer era de 7.200 metros e as condicións climatolóxicas de moito calor. O vencedor en categoría masculina foi o atleta compostelano Pedro Nimo e en femenino a lucense Chus Valiño.

A representación do Club Escola Atletismo Deza foi de catro corredores, Teresa Seoane acadou o 3º posto en senior femenino e os restantes postos acadados foron Manuel Rodríguez "Cavanillas" 7º, Fernando Rodríguez 19º, e David García 28º nas súas respectivas categorías.

Máis fotos de Cerceda (Grazas, Manuel)

Os nosos atletas, na liña de saída.

Mónica, Manuela, Andrés, María e Ángel

Rubén

Patricia Docampo

David García e Jaime Pazos

Manuel Peña