Antonio Riera e Tamara Seijas gañan en Ferreirúa

Na foto pode verse o maratoniano madrileño Fabián Roncero cos rapaces da Escola de Atletismo Deza

ANTONIO RIERA E TAMARA SEIJAS GAÑAN EN A FERREIRUA

Este domingo os integrantes do "Clube Escola Atletismo Deza" desprazáronse a localidade de Ferreirúa (Pobra do Brollón) para participar na "XX Carreira Popular" que se organiza na localidade.

En dita proba, Antonio Riera proclamouse vencedor na categoría de veteráns tras percorrer unha distancia de 9.300 metros. Tamén logrou a vitoria, neste caso en categoría Alevín feminina Tamara Seijas na distancia de 1.900 metros seguida pola súa compañeira de equipo Noemí Jácome. Pero non foron os únicos integrantes do equipo dezá en obter trofeos, así na categoría infantil feminina e sobre unha distancia de 2.900 metros Alba Viana foi tamén segunda o mesmo que Alberto Rodríguez nos máis pequenos.

A participación rondou os setecentos atletas de toda Galicia.

A parte da xornada atlética da mañán, os rapaces ademais dos seus pais e demais membros do equipo senior do clube desfrutaron dunha tarde de convivencia que consistiu nun xantar e unha visita ás bodegas e ó mirador sobre os viñedos desta zona da ribeira sacra.